Swing將於八月底推出新碟《武當》，為配合大碟主題，兩人經常以古裝現身，新歌《我有貨》更邀請到演技派劉丹及黃日華客串演出，Eric說：「我自細就睇無綫啲劇大，一直視華哥係偶像，今次多得梁漢文（Edmond）幫我穿針引線，邀請佢重出江湖再着古裝做郭靖。」

黃日華（左）毫無架子，為Eric（中）整理古裝造型。	黃日華（右）笑言拍武打場面要就住梁漢文太太林文慧。	Jerald在水池玩爆破，大叫過癮。

Jerald做和尚

Edmond除了幫口之外，更「借出」老婆林文慧參與演出，與Eric女友葉佩雯及作家杜如風做對手戲，華哥笑言：「真係要睇住阿嫂，雖然我哋有對打戲，不過點都要就住就住。」

Eric及Jerald兩位大細路為增強MV可觀性，特別加插不少危險動作，飾演光頭和尚的Jerald在水池有爆破，爆出超過二十呎高的水柱，令在外國長大的Jerald非常興奮。

成本幾十萬

Eric原本都有跳崖演出，後來因為意識不良而被導演刪剪，Eric說：「今次ＭＶ真係搵命博，用咗幾十萬去拍，搭景、爆炸加武打場面，好似拍電影咁，希望唔會辜負一班前輩好友嘅支持啦！」

文：音樂組