31/07/2009

播放本新聞相關短片

周柏豪情緒高漲話嚟就嚟

周柏豪剛推出新碟《Follow》及新書,面對一眾拋胸o靚模的寫真集,柏豪對自己作品充滿信心,同時亦對模的噴血寫真感興趣。問他可否控制情緒?柏豪笑說:「要嚟就嚟,唔會抑遏情緒!」

模特兒出身的柏豪表示認識多位模,問到會否購買眾人的性感寫真集?柏豪說:「佢哋話會送畀我,都有興趣睇。(怕唔怕控制唔到情緒?)唔會,要嚟就嚟,唔會抑遏情緒。」

籲鄭融出寫真

柏豪不避嫌大讚緋聞女友鄭融有條件推出寫真集,他謂:「佢都幾好身材㗎,屬於豐滿一族。(係咪嗒佢糖?)我去到邊都話佢係女神,入行已經好鍾意佢。(可惜佢有男友喎!)唔一定要做佢男友。」

否認追江若琳

另外,有傳柏豪曾以傳短訊攻勢力追江若琳,他表示江若琳沒有指名道姓,只是傳媒猜測,並否認有意追求。他認真地說:「如果係真就唔怕認,大家都係朋友。」不過柏豪承認有與對方互傳短訊,問到是否怕公開戀情有壓力?柏豪說:「唔係,有唔怕公開。」

文:音樂組

髮型:Cliff Chan@Hair Corner

化妝:Kris Wong

邊個港姐最靚?立即投票!
詳情瀏覽on.cc《香港小姐2009》