鄭嘉穎楊怡雨中踩單車

鄭嘉穎、楊怡早前為無綫新劇《鐵馬尋橋》拍攝一場戲份，劇情講述他們冒着雨溫馨踩單車，場面浪漫。不過現實中，二人從未試過拍拖踩單車，楊怡更笑言最唔鍾意坐車尾。楊怡表示：「不嬲都唔鍾意坐單車尾，都唔夠過癮，今日感覺好驚，因為架單車好古老、性能麻麻，加上要落住雨踩，所以都驚跣胎。」

至於鄭嘉穎就表示唔覺得落雨踩單車是一件浪漫的事，他說：「呢啲係拍劇先有啫，如果現實係咁一定唔覺浪漫，而且我都未試過咁樣車過人。（你係咪浪漫人？）睇吓有冇時間啦，如果有時間我都會好浪漫。」

邊個港姐最靚？立即投票！
詳情瀏覽on.cc《香港小姐2009》

31/07/2009