「拉闊音樂擂台」第一擊「陳偉霆Vs狄易達」前晚假九展舉行，二人無論歌、舞甚至捧場嘉賓人數都鬥得難分難解，先是William有老闆楊受成夫婦、經理人霍汶希、高層吳雨、泳兒等同門支持，而狄易達亦有老闆陳百祥夫婦、EO2、范萱蔚等師兄師姊撐場，不過William女友baby現身撐男友，William稍勝一仗。

William與狄易達鬥唱鬥跳，鬥得難分難解。	baby猶如小fans般，在台下舉牌撐男友。	一眾藝人亦有到場支持，場面熱鬧。

跳到鞋噴火

音樂會甫開始，二人演繹長達十二分鐘的勁歌熱舞medley，solo的William以連串勁歌熱舞展示超凡舞藝，不但MJ上身跳moonwalk，更被女舞蹈員扯爛上衣，一身結實胸肌表露無遺，William與師弟洪卓立合唱《對你愛不完》時，一度走近女友baby的位置附近情深款款獻唱，而baby亦興奮得不停揮動手上紙牌。

而狄易達與新人Yellow自彈自唱英文歌，狄易達指一指手上的結他表示：「William有baby支持，我都有『baby』！」隨後狄易達再度晒舞功，他一邊單手「倒豎葱」，腳上的波鞋徐徐噴出煙火，引來全場起哄。

唔賣色輸蝕

事後，William被問到對住baby唱情歌時，他笑笑口說：「我係畀飛佢嚟睇，但唔知佢坐邊喎！」至於沒有「baby」捧場的狄易達惟有專心賣藝，記者取笑他沒有baby很輸蝕，狄易達即說：「我賣藝啫！」記者即起哄，問他是否寸William「賣色」？狄易達馬上補鑊：「佢賣得起嘛！」

文：音樂組