Yumi及動漫Maggie昨日以性感低胸裝，出席「apm國際級馬戲首度訪港獻技」活動，由於衣着性感，兩女被俄羅斯特技團邀請試玩需要彎身拗腰、大有可能走光的蓮步舞時，已面有難色，但仍冒「倒奶」之險完成動作。

發燒驚染豬流感

Yumi和Maggie及後再被要求模仿特技團員，以屁股轉呼拉圈時，不過兩女終於say no，只肯用腰來轉動呼拉圈，但Maggie卻懶得郁動，場面略為尷尬。

Yumi自言面皮薄，她說：「用屁股轉呼拉圈有啲尷尬，大會都幫我婉拒，或者等我返屋企練到屁股轉呼拉圈再表演。今次可能溝通有少少問題，下次我會問清楚先。」

Yumi將會出席動漫節，她說：「我要扮蜘蛛精，但我有少少發燒，驚係豬流感，不過應該冇事。（點睇周秀娜出攬枕？）佢幾體貼，攬住瞓都OK，（你又出？）我唔會，因為攬住唔知會做乜，好奇怪，有啲擔心，有啲問題囉！」

Maggie寧去寵物展

Maggie自認不會玩呼拉圈，她說：「由細到大都唔識，唔會試用屁股玩，費事click住。（近排被o靚模搶飯碗？）有人邀請我出動漫節，但撞時間，我情願去寵物展，不過動漫節唔係搵飯食。（點睇周秀娜攬枕？）日本一早有，（AV女優噃！）咪一樣係女人，（白韻琴話攬枕等如吹氣公仔。）吹氣公仔咁醜樣，我自己唔排除會出，但暫時未諗過。」

文：影視組