由於今年多(o靚)模及藝人推出寫真及文字作品集，令書展還未正式開鑼已陷入混亂狀態，雖然香港貿易發展局臨時推出多項新措施，包括規定藝人衣着、明星及(o靚)模簽名會在四樓君爵廳舉行，與作家分區等，務求將混亂情況減至最低，不過最終卻適得其反，令一眾(o靚)模及藝人深感備受歧視。

留番fashion week啦

在芸芸新措施中，以規定衣着一項最惹藝人反感。昨日殺入書展作最後部署的周秀娜經理人公司發言人，對新安排極為不滿，尤其對於貿發局規定藝人要穿得健康，更令他們感到啼笑皆非：「無聊！使鬼佢教我哋着衫呀！我哋相信作為一個藝人，咩場合要着啲咩衫，冇人清楚得過佢自己咯。如果貿發局想學張學潤咁教藝人着衫，留番fashion week啦！」雖然公司如此不滿，不過Chrissie卻接受現實表示：「我都係以靚為主啫！其實我不嬲出席公眾場合都係健康性感。」

而同樣於書展推出寫真集的蔣欣妍（08年世界小姐中國站亞軍），亦對有關安排大感困惑：「呢個規定好抽象，衣着健唔健康好見仁見智，喺外國着背心同低胸衫好普通，相信唔會有人着比堅尼入場咯，你估去沙灘咩！」

除了規範衣着令藝人感到滑稽外，新簽名場地安排亦令藝人感覺備受歧視，Chrissie經理人公司表示：「個場感覺上好似一個只係鋪咗地氈嘅貨倉咁，得嗰三張枱，同一堆排得密密麻麻嘅鐵欄，逼嘅程度十足十汽水機入面嘅汽水咁。我哋希望當局到時會有清晰指示畀攞咗籌嘅fans，因為始終簽名時間有限，我哋驚啲fans搵得個場嚟，我哋都已經簽完名。」　

趴沙灘疑似露乳暈

另由於貿發局臨時宣布派籌控制人流，隨即又再惹起不必要誤會。有指Chrissie公司原本以為只獲發一百個籌，當得悉其他藝人竟獲發多一倍的數目時，即致電出版商查證，及後始知是誤會一場：「初初出版商以為得一百個籌，後尾佢哋都話有二百個。我哋唔係話驚得一百個籌係畀人歧視，而係我哋預備咗6,000本書喺第一日書展度賣，我哋驚一百個籌唔夠用。」

對於周秀娜公司的不滿，香港貿發局傳媒及公共事務部主管張志輝強調，所有安排絕無歧視成分：「每年簽名會都唔係(o係)書展入面搞，我哋係因應今年有咁多明星出書，先特別撥個廳畀佢哋。」至於派籌問題，張先生亦強調對所有(o靚)模及藝人一視同仁：「總之一個鐘頭為一節，一節派二百個籌，加場就派四百個。」

此外，Chrissie的處女寫真為求促銷可謂「谷」到盡，除了有大批性感泳衣照外，拍攝床照時更擺出多款誘人甫士，而之前曾傳出「露暈」疑雲的Chrissie，昨日記者搶先翻閱她的寫真集時，竟發現其中一張趴在沙灘上的白色泳衣照，竟出現疑似露乳暈情況，不過由於寫真集是經送檢審批後才正式推出，估計問題不大。

採訪：專案組