陳法拉在新劇中演鋼管舞女郎，造型小試牛刀騷長腿，戲中被色誘的劉丹笑言拍攝時要食定降血壓藥，但男主角馬浚偉則揚言頂得順兼嫌法拉未夠性感。
陳法拉、馬浚偉（馬仔）、蒙嘉慧（Yoyo）、李思捷等昨為新劇《誘情轉駁》試造型，法拉的性感熱褲魚網絲襪look最為搶鏡，原來她要扮演鋼管舞女郎，還即場與馬仔擺出《風月俏佳人》甫士任影，將要演被法拉色誘戲的劉丹笑言：「依家睇到都有啲心跳，拍勾引我嗰場戲時要食定降血壓藥！」
劉丹難忍美色
為了新劇，法拉要上堂學跳鋼管舞，她透露難度甚高，至於在劇中的性感程度，她謂已是極限：「係跳舞啲動作性感，意識大膽啫。」法拉還要為一段沖涼被偷拍的劇情，黐晒膠紙以大露背拍了劇照，問到她以前跟男友可有拍過這類親密照，法拉說：「同任何人都唔會啦，呢啲要好小心。」雖然劉丹揚言難忍法拉美色，但馬仔卻嫌不夠：「我頂得順，仲可以性感啲！」
Yoyo望奸到盡
此外，Yoyo在劇中飾演大反派，她認為演員應該甚麼角色都要試，還望劇本「去到盡」，不怕形象受損，問到可擔心被性感法拉搶鏡，Yoyo說：「我好鍾意法拉呢個女仔，佢可以性感，我就唔得啫，唔可以心胸狹窄，出嚟只要佢靚，我都會盡量配合。」
文：影視組
攝：林蔚恩