賭王何鴻燊與三太陳婉珍前晚為一對龍鳳胎何超蓮與何猷啟假君悅酒店筵開十三席舉行18歲生日派對，除了家姐何超雲外，四太的子女包括何超盈、何超欣、何猷君、何猷亨都有到場，並請來天后容祖兒與泳兒擔任表演嘉賓。現場以氣球作布置，流露點點童真，超蓮則身穿粉紅色Tube Dress公主look，與粉紅色王子look的猷啟可謂襯到絕。

放大圖片	賭王在台上率三太、超雲、超蓮及猷啟祝酒。	壽星仔與壽星女齊切巨型蛋糕，還配上小量煙火效果。

爆被母親訓話一輪

晚宴開始後，賭王先上台致辭感謝賓客到場，隨後三太、超雲、超蓮及猷啟上台祝酒，最後由壽星仔與壽星女切巨型蛋糕，氣氛熱鬧。

超盈極性感的大露背裙甚有睇頭。	放大圖片	超雲手執氣球步出，童心未泯。

期間，超蓮與猷啟到門外送一名外籍男同學離開，問超蓮有甚麼生日願望？她興奮地說：「有呢個Party我已經好開心！（爹哋送咗咩禮物？）佢哋送咗呢個Party同兩層樓畀我，我同細佬每人兩層，不過喺邊度就唔知，我只係簽咗名。」派對上，她邀請了60名同學到場，當中６名同學專程由英國來港，不過超蓮坦言對是否包機票住宿不知情。她又透露其實生日早在五月，但因當時忙着考大學試，故延至前晚才補祝。她笑言18歲沒有特別想做的事，但甫踏入18歲已被母親訓話一輪：「都係講嗰啲嘢，叫我唔好出街出咁夜。」

（左起）猷亨、超欣、猷君亦來撐場。

祖兒貴為當晚生日Ｐ的表演嘉賓，穿得高貴大方。

超盈拒幫賭王打工

約十時半許，賭王與三太結伴離開，問他對一對子女有何訓示？賭王笑言：「18歲等佢哋開心下。人哋嚴父慈母，我就啱啱相反，係慈父嚴母，佢阿媽管到實一實，樣樣都話ＮＯ，但我就乜都話ＯＫ。」

而約九時提早離場的超盈，穿上性感藍色大露背裙，露出透明Bra帶及黑色內褲邊，非常大膽。她透露已找到兩份在銀行工作的暑期工，問她為何不替父親打工時，她說：「喺佢度學唔到嘢，個個都會就我。」提到感情生活，她甜笑說：「幾好，我哋拍咗拖半年，爹哋今日都見過佢。」

文：名人組　攝：追蹤組