憑「Laughing哥」一角而人氣大增的謝天華，早前與四十多名fans齊齊到卡拉OK店慶祝生日，雖然當日並非天華正日生日，不過能夠與fans共度，他仍然感到十分開心，他說：「今年多咗好多支持者，所以好開心。（正日生日點過？）冇特別慶祝，同家人食飯，因為一路好忙工作，好少見家人。」
問到天華有何生日願望？他說：「希望多啲戲拍。係咪希望拍戲搵真銀？希望啦，八月會到青島拍電影，會同台灣、中國演員合作，仲會用普通話嚟拍。（到時使唔使返香港宣傳電影？）要呀，不過返嚟時間唔長。（幾時返無綫拍劇？）最快都要年尾。」
