在港澳取景的法國片《特攻闊少爺》，邀得武打影星高雄演出，飾演相傳由他紋身後，對方便天下無敵的紋身師。高雄受訪時表示，他找到九龍城一位古式紋身師傅教路，學習傳統用針紋身的手勢，他說：「我攞支針喺屋企練咗兩個禮拜，學識控制力度唔會拮到主角湯馬西西里。」這場戲在澳門拍攝，導演謝洛姆薩朗都好滿意，連特寫鏡頭都不用紋身師代勞。
高雄又提到近日失去兩位好友，一位是石堅叔，另一位是大衞卡列甸，他說：「幾年前我同大衞拍咗套劇《龍城俠隱》，由唔識到惺惺相惜，我記得殺青嗰日，佢特登攞相機同我影相，後來臨上機當日，佢喺酒店大堂彈鋼琴，仲叫我唱歌添！」高雄大讚大衞做事好認真，對好友逝世感到惋惜。