今年《葉問》大收旺場，學詠春拳即成為一種新興熱潮，而出身自武術世家的新人劉漪琳（LumLum）當然佔盡優勢，她解釋：「我太公招就同葉問係師兄弟，而我太公個姪兒招允亦係葉問嘅徒弟，屋企人都話我有少少學武天分㗎。」
LumLum小時候曾經學過詠春，但因懶散結果半途而廢，她無奈地說：「我細個成日病，所以好少做運動。不過大個就後悔，點解細個唔勤力練習詠春。」現在LumLum惟有亡羊補牢，希望能走打女路線，她說：「我今年只有十八歲，雖然唔介意畀人話係靚模，但都希望可以自我增值，所以依家每星期都會去練習詠春，等自己可以多張刀。」
