嘉穎與Bosco兩個大男孩走在一起，總是喋喋不休說個不停，事實上他們早種兄弟情。嘉穎、Bosco先後合作過四次，最新劇集《烈火雄心3》令兩個不同性格的男人「情根」種得更深，嘉穎說：「唔止Bosco，我同郭晉安、陳豪都係朋友，同佢哋有共同話題，Bosco根本唔同我嗰個年代，但呢個靚仔係好嘢嚟。」

Bosco與嘉穎都屬一線男主角，都是靚仔小生。	有點cool的嘉穎，鍾意講笑話。	Bosco被指可塑性高，前途無可限量。

做足功課

cool cool的嘉穎大數Bosco的優點，包括工作認真、專業，必定做足功課才入廠，他說：「唔係個個新人都識珍惜㗎，佢個人識得分析，喺新一輩小生中，林峯、吳卓羲同Bosco都好，我鍾意Bosco可塑性高，靚仔又得，型又得，姣又得，可以有好多變化。」

戲路唔同

被嘉穎大讚，Bosco自然也給對方送高帽：「嘉穎實在太靚仔，而且係成熟、穩重嗰種，其實開頭識嘉穎時覺得佢幾cool，但慢慢發現佢好鍾意講笑話，係爛gag王。」雖然Bosco私下未必會跟嘉穎經常聚會，但每次見面就十分投契，他坦言：「其實我哋唔存在競爭，線路唔同，而且就算冇競爭，若性格唔夾都做唔到朋友啦。」

文：影視組　

攝：李廣成

場地：荃灣廣場