模特兒出身的柏豪，在攝影鏡頭前擺甫士可謂輕而易舉。唱片公司為配合其新碟《Follow》，找得多個名牌贊助，為他準備了四十多套服飾拍攝隨碟附送的精美相集。

怕弄污名牌

柏豪笑說：「嗰日拍足廿個鐘，仲試過當街當巷換衫。」拍攝當日，身穿名牌贊助的他，很擔心會弄污服飾：「我當然錫住啲衫，完全冇損壞。」

當日柏豪還到陳光榮錄音室、攝影師的工作室拍攝。他說：「呢兩個地方都係我經常出入嘅地方，分外有歸屬感，就好似自己屋企一樣。喺錄音室唱歌就多，影相就少，個感覺好特別。」

柏豪形容今次新碟是賣大包益歌迷，愛好影相的他說：「新碟裏面其實有兩本相集，其中一本係我自己親自操刀影。」除了新碟外，柏豪書展也會出書，記者取笑他跟靚模對撼，他謂：「我十幾歲就做模特兒，我係模始祖。（你出乜招對撼？）論身材我就輸，但如果論性別我有機會贏，因為男性藝人出書唔多嘛。」

文：音樂組