本文重點
張靜初首次與劉青雲合演情侶，與對方相擁竟有意亂情迷的感覺，至今仍然回味，惟青雲則推說是劇本和導演之功勞，不相信自己有如此大魔力！
暑假檔期即將推出的新片《竊聽風雲》中，劉青雲、張靜初及方中信將展開三角戀，張靜初更被圈中出名的好好先生劉青雲徹底迷住，她坦言拍攝一場擁抱戲夠讓她一再回味，更有被融化之感。張靜初說：「我都唔相信，畀青雲抱住一剎那，真係有心跳嘅感覺，可能佢係好多女性眼中嘅好好先生啩！嗰場求婚戲，佢一個眼神已令我差啲喊出嚟！」張靜初直言與青雲演戲特別輕鬆，甚至有種純真的感覺。
關係錯綜複雜
被張靜初大讚的青雲顯然有點不習慣，他靦覥表示：「係咩？我真係有咁大魔力？唔會啦！我都係照導演同劇本去做，盡量投入去演啫！」不過青雲也大讚靜初聰明，可以很快投入角色，是個好對手。戲中青雲和靜初本是一對情侶，後因性格問題，青雲將女友讓給好兄弟方中信，其後再介入兩人中間，一場錯綜複雜的關係大考各人演技。
文：影視組