導演劉鎮偉與周星馳合作過多部電影，最近他與鄭中基合作電影《機器俠》，問導演劉鎮偉在現今影壇當中，看好誰可繼承其好拍檔周星馳的首席笑匠之位？他語重心長的謂：「以前有人問我邊個可以繼承許冠文個位，嗰陣未有人答周星馳，結果我創作咗《賭聖》之後，就有位巨星誕生。所以未來嘅嘢冇人知，不過我哋一定要創作啲新題材畀佢哋發揮，好似鄭中基咁好嘅演員，如果成日做埋同一樣嘢會好浪費。」
劉鎮偉表示《機》片可算是內地第一套科幻電影，問到可怕內地觀眾未能接受？他表示：「要鬧要話嘅嗰陣《西遊記》都話晒啦，嗰時係打破傳統，畀人話我唔識拍孫悟空，其實係行得太快、太前。」他更笑言經過《西》片一役後，面對一切批評已經「百毒不侵」。