何韻詩昨日接受《巴巴閉邊個夠我查篤撐》訪問，表示最近忙於跟汪明荃（阿姐）拍攝劇集《女王辦公室》，她大爆羅家英早前探阿姐班，一向性格硬朗的阿姐甫見老公即嗲聲嗲氣撒嬌：「我好攰呀……」阿詩笑阿姐變了「少女姐」！
主持查小欣追問阿詩感情觀，她指自己過往經常黐住另一半，但近年發覺空間對兩個人均十分重要，她說：「如果我覺得嗰個人值得我付出，我會瞓身咁全奉獻，不過唔好咁黐身！」問到阿詩的黐身方式像膠水抑或萬能膠？她笑道：「係白膠漿，搣得甩！」阿詩表示戀愛中的自己瞞不過朋友，她說：「我又唔介意，冇咩唔怕講！（最近一次戀愛係幾時？）入行之後，都有三、五、七年！」
