基仔主持的《係咪小兒科》深受觀眾支持，IQ題熱潮席捲街頭巷尾，他表示變身古Sir後經常遇到不少「挑戰者」，所以引發推出《古Sir IQ王》念頭，他說：「身邊好多朋友無論係大人或者小朋友，都會走嚟問我有咩IQ題可以考佢哋，所以靈機一觸出本書做善事，更親自監製。」向來善心爆棚的基仔，透露會將所有收益全數撥捐「古巨基兒童醫療及教育基金」作慈善用途，為迎合小朋友口味，「卡通版古Sir」將首次在書中登場。

親子好橋樑

另外，古Sir在序中傳授玩IQ題的十大好處，不但是小朋友在學校裏引發笑聲的靈丹妙藥，亦是家長與小朋友互動好橋樑，對於大朋友，IQ題更是追女仔妙法，他說：「追女仔嗰陣，就可以乘機出啲IQ題，一定可以喺幽默感方面加分！」基仔又抵死添加第十一個好處說：「好處多多仲做埋善事，對於閣下慷慨解囊拎28蚊出嚟，我古Sir特以金句回敬『唔係小兒科，我女朋友個名叫阿Paul』。」IQ書將於本月22日於書展公開發售，而在26日古Sir將現身書展舉行簽名會。

文：音樂組