徐淑敏與唐詩詠昨日出席中港城《經典‧珍藏旅行箱展覽》，這對緋聞情敵不約而同以低胸吊帶裙示人，但由於徐淑敏身形較豐滿，比纖瘦型的唐詩詠更具視覺效果，結果成功搶鏡。

唔認性感

徐淑敏被問到是否以低胸反擊靚模旋風，她說：「我好性感咩？靚模好犀利，着得好少布，但太一面倒，好似性感露得多啲就有工作機會，呢個風氣怪怪哋。（同唐詩詠同場有冇尷尬？）冇，嗰單緋聞都唔係真，我哋之前曾經見過好多次喇！」

為難男友

雖然徐淑敏這樣說，但未見唐詩詠認同，她說：「我都想睇靚模寫真，睇吓係咪咁靚，我就唔會拍，大肚或者結婚嗰時，或者可以考慮，全裸都得，畀自己睇啫！但依家要搵個男友先，（崔建邦呢？）佢認咗咩？我哋係好朋友啫，（幾時上佢《My Name is邦》節目？）佢有請過我，我叫佢諗清楚，要佢訪問我好似為難佢，公司想我上，（想你公開戀情？）冇話公唔公開，做嘢啫！」

文：影視組