在一眾靚模中憑性感姿態彈出的周秀娜（Chrissie），將於書展推出處女寫真。由於今年寫真集勁敵眾多，Chrissie拍攝時除帶備100套三點式泳衣及大晒性感誘人甫士迎戰外，還附加獻吻以力谷銷量。
Chrissie將於本月22日書展期間推出處女寫真集《Kissy Chrissie》，同期推出寫真集的還有Angelababy、趙碩之師妹Yumi、Melody及Kama等，所以Chrissie亦出招求突破。
帶百套泳衣
為迎戰一眾對手，Chrissie除遠赴塞班為寫真取景，更帶備100套三點式泳衣。拍攝期間，Chrissie專業地擺出側頭、瞇眼、撥弄濕髮及瞓沙灘等誘人甫士，更不經意酥胸半露。
在水中拍攝時，Chrissie繼續發放魅力，就連水母也被「電」得不敢攻擊她，她說：「好彩冇畀水母『炸』，我幾驚呀！其實今次都幾大犧牲，為咗唔想曬黑，我一日搽咗差唔多四樽防曬霜，搽防曬霜都搽到破產。」
牙齒當金使
為力谷銷量，Chrissie經理人透露Chrissie除會於寫真集推出當日舉行處女簽名會，還分分鐘附加獻吻會酬謝粉絲：「我哋寫真集初版係一萬本，如果可以兩日內賣晒，我哋會再搞獻吻會。當日啲粉絲只要帶Chrissie本寫真集嚟，就可以得到Chrissie香吻一個，我哋講得出做得到。」
文：專案組