07/07/2009

播放本新聞相關短片

陳敏之自製首飾效果佳

陳敏之向來係慳妹一名，手袋幾年先換一次，仲要係唔爛都唔換，估唔到首飾方面，佢都會物盡其用。年前敏之喺Coach購入一條價值七百多元嘅掛袋裝飾，幾經考慮後把心一橫，將裝飾當作手鏈佩戴。佢話：「我不嬲都鍾意叮叮dum dum同金色嘅嘢，所以當時我諗都唔諗就即刻買，諗諗吓就咁掛袋好似浪費咗，跟住就試下戴上手，估唔到效果幾好，出街唔易同人撞，之後呢條鏈就成為咗我近期至愛嘞！」