本文重點
洪卓立（Ken）、詩雅及陳家樂為新片宣傳，由於Ken早前入院及拍劇，令該片上映計劃延遲了一年，緋聞女友詩雅的處女作慘變「舊作」甚為氣憤，竟不念舊情，夾埋家樂齊齊屈Ken作出補償。
由Ken、詩雅及家樂領銜主演的青春愛情片《很想和你在一起》，將於八月暑假尾上映。其實電影早已煞科，問到為何拖足一年才上映？詩雅及陳家樂隱晦地說：「有人唔舒服囉！」Ken即說：「係我唔好。」
拍咀戲想嘔
家樂打蛇隨棍上表示要Ken包一間戲院請睇戲作補償，但詩雅就嫌未夠狠，揚言要「屈」Ken請去旅行。Ken尷尬地說：「我請食飯囉！自己都唔好意思，我仇口多。」不過Ken強調沒有被老闆楊受成責怪，還叫他安心好好休息。
《很》片是一齣講述兩男追一女的浪漫戲，詩雅說：「我嘅電視同電影螢幕初吻都獻咗畀Ken，同家樂就只有擁抱戲。」雖然詩雅與洪卓立在戲中有兩場咀戲，但詩雅自爆感覺不好，她說：「第一次因為大家都中暑想嘔，第二次就係我主動咀佢，但之前佢寸得我勁，我嬲咗佢，但佢竟然唔知，又要我咀佢，我真係咀唔落。」
文：音樂組