今次在電影中戲份不多的陳鍵鋒和吳卓羲，在片中甚至連名字都沒有，警察編號也與電視劇不同。他們說：「為咗ＴＶＢ同香港電影業，我哋冇收酬勞，連騷錢都冇㗎！」但兩人表示有遺憾，因未能與黃秋生演對手戲。

謝天華不忿被抄牌，召集手下到場向吳卓羲及陳鍵鋒報復。

陳鍵鋒細心地為吳卓羲整理儀容。

滿意片酬

謝天華則表示戲份多少不重要，對於片酬被指少秋生二十倍，兼且有報道指他的片酬分別為一百二十萬和二百萬不等，他說：「佢哋鍾意點寫就點寫，每個演員嘅片酬都係保密，我唔介意畀人寫，最怕被指只得五百蚊！但我都唔會問秋生收幾多錢，我梗係對片酬滿意啦！多同少都係觀點與角度問題，每個演員嘅片酬都係保密嘅。」

此外，早前秋生投訴演出時間混亂，問天華可再有同樣情況發生？他謂：「咁就要問秋生哥先知。我拍戲係接通告就開工，係咪混亂我就唔係太清楚。」

市民圍觀

天華、陳鍵鋒和吳卓羲在尖沙咀街頭取景，吸引不少市民圍觀。場口講述由陳鍵鋒和吳卓羲飾演的軍裝警察，向違例泊車的天華抄牌，「LAUGHING哥」不忿氣而召集手下到場，場面大陣仗。

文：影視組