香港今日起實施「塑膠購物袋環保徵費計劃」，古巨基帶頭響應環保，親自設計環保袋送贈親友及粉絲，而一眾名模、嫩模亦打破隔膜，齊齊拿出自己心水至愛環保袋，為環保出一分力。
基仔一向支持環保，所以贊成少用膠袋，他除呼籲朋友及粉絲購物時自備購物袋，近日更身體力行，用愛子Kubi的肖像印製了一批環保購物袋派街坊，又送給好友、家人及粉絲。基仔笑言此舉除可響應環保，又可為其設計的公仔Kubi宣傳。
陳偉霆最緊要大
另邊廂，鍾舒漫亦展示兩個由她設計的環保袋，她說：「我喺袋上面畫咗好得意嘅地球，吸引小朋友之餘，仲要教佢哋愛惜地球。」陳偉霆坦言不喜歡用正方形的環保袋：「感覺太師奶唔夠型，我最鍾意黑色超大嘅織布環保袋，佢嘅弧形底部非常特別。」
而一眾名模、嫩模則很貪靚，連用環保袋都要以靚行先，Rosemary最近獲本地設計師林樹彬（Arthur Lam）送贈一個環保袋，她說：「可以支持本地時裝工業又環保，都唔錯。」雷凱欣就迷上選購日本潮流雜誌附送的品牌靚袋，其家中已有數十個靚靚環保袋。胡心諾（Rainbow）和鍾蕙芝（Lavina）亦率一眾師妹帶備環保袋，Rainbow說：「我買咗一個質地好薄，可以摺到好細嘅環保袋，帶出街好方便。」
羅凱珊超市掃貨
至於羅凱珊（Kama）日前就自備環保袋到超市掃貨，她說：「以前唔會帶環保袋出街，但會將買咗嘅嘢放落自己嘅袋。依家要收膠袋錢，我都會帶環保袋出街，平時買衫都會送環保袋，所以都唔需要特登買。」 文：專案組