昨日記者到阿Rin位於上環的模特兒公司，再次問到她是否曾以原田志乃之名出寫真時，她說：「相中人係我，咁又點呢？其實都冇咩問題啫！（咁你尋日唔認？）唔係，我聽唔清楚個名，而且又冇睇過啲相，所以都唔知發生咩事！（你係咪曾經拍全裸寫真？）啲相冇露三點，只係性感相，同我喺香港行騷嘅性感程度差不多啫！椋名凜同原田志乃都係日本經理人公司幫我改，兩個都唔係我原名，而且喺日本轉名係好正常嘅事！所以之前有人話我扮有錢人，冇聽過椋名呢個家族名係有錢，咁當然啦，因為係藝名嚟！」

芳齡26冇虛報

此外，昨日發現這本叫《Escape》的原田志乃寫真集在日本商網割價賣至170日圓（約13.6港元），被問到當年以cheap價拍寫真時，阿Rin無奈地回應：「出寫真啫，都冇話cheap唔cheap，而且係計分紅，冇話平唔平！」不過當提到虛報年齡一事，阿Rin即時激動地說：「本寫真係八年前影嘅，我今年真係26歲！（可唔可以睇你嘅passport？）呢啲係好私人嘅嘢，公司話一定唔可以拎個passport出嚟影！（有冇因為呢件事而唔開心？）少少啦，surprise多啲。」此外，網上更搜尋到阿Rin曾在02年拍攝的日劇《午餐女王》，而該劇的主角更是日本當紅藝人竹內結子及妻夫木聰，她承認只係小角色！

再出不受影響

至於阿Rin的經理人公司對此事亦有回應：「一向日本model都會有影過類似寫真，好似宮澤理惠都有影過。（會唔會令佢之後出嘅寫真吸引力大減？）唔會，感覺完全唔同！（嚟緊出嘅寫真會全裸示人？）總之就性感、和服，咩感覺都有，而且班底都唔同，唔會有影響！」

文：專案組 攝：攝影組