馬來西亞情歌王曹格前晚在廣州頒獎禮上勇奪「百家傳媒年度最矚目藝人」獎，雖然右手仍然戴上固定器但未礙歌王的精彩表現，他表示手指尾的傷復原得很好：「醫生話7月9日即係我生日嗰日拆線，可以當做生日禮物，重新開始囉！」
曹格表示代言的牛奶品牌，並沒受到近日的負面新聞所影響，稱廣告商更主動續約並邀請他代言其他產品：「個老闆話鍾意反差大，仲話好人、壞人、男人、女人都會飲牛奶，我鍾意佢有sense，覺得好幸運。（新聞帶來商機？）都係呀！」他又自爆由台灣到廣州的小插曲：「本來我兩點就到廣州，點知大暴雨要轉飛珠海，但係當地天氣都唔好最後去咗桂林，好在都返得切嚟！」
