前晚王浩信於銅鑼灣CEO Neway開生日會，好友陳柏宇、蕭正楠、梁烈唯、郭政鴻等均有出席，獨不見女友YoYo現身，令王浩信要形單影隻切餅賀生日。揚言今年生日別具意義的王浩信說：「入行以嚟遇唔到紅顏知己，今年有拖拍特別開心。（女友七月七日正日同你慶祝26歲生日？）我知YoYo應該準備咗禮物，但佢冇講，我估係煮嘢畀我食。TVB同唱片公司都知我拍拖，所以公開戀情冇壓力，我本身都唔介意公開，但我唔係博宣傳。」

YoYo表示會為男友炮製難忘生日會。

王浩信與YoYo鴛鴦戲水。（資料圖片）

下次小心啲

而YoYo昨日出席活動時談到男友即甜絲絲地說：「都算係拍拖以嚟第一個生日，會盡量令佢難忘。如果唔係畀人影到，其實唔想公開，我哋冇激吻，係蜻蜓點水式Kiss咋。（見咗家長？）佢好似係咁同記者講，大家印象幾好，相信佢父母都睇咗報道，但游水、搽太陽油好正常，唔會破壞印象，下次會小心啲。（蔡淇俊話你變咗！）吓，佢講咩？（話你黑咗。）係，我想轉形象。」

蔡淇俊戥YoYo有拖拍開心。

好友陳柏宇（右起）、梁烈唯、蕭正楠、郭政鴻為王浩信慶祝生日。

舊愛戥開心

同場的YoYo前緋聞男友蔡淇俊則說：「佢哋靚仔靚女好襯，戥YoYo開心，我冇拖拍唔開心。（酸溜溜？）冇，同YoYo合作多至傳緋聞，不過佢最近唔同咗，變得黑咗同sporty。」

文：影視組