胡心諾早前被發現與經理人Admond拍拖，同公司的鍾蕙芝（Lavina）亦不執輸，前晚約會「嫩版郭品超」在將軍澳商場行街睇戲，二人在電梯上打情罵俏。細問下，發現原來當警員的男方已有女朋友，且是Lavina的好姊妹，擺明撬牆腳！
靚模爭鬥進入白熱化，繼「E-cup Baby」劉欣宜和胡心諾先後被發現拖仔返家後，憑34Ｅ「咪咪」吸引不少電車男的鍾蕙芝，前晚亦被發現相約貌似台灣型男郭品超的男子睇戲、行街、食飯直落玩至深宵，實行與姊妹各自各精彩！
$36指甲油 氹掂
前晚８時許，記者發現穿着白色背心、熱褲的Lavina與「嫩版郭品超」在將軍澳新都城商場行街，Lavina為遷就男伴的六呎身高，刻意穿着４吋高跟鞋來拉近距離。二人先到戲院買《變形金剛狂派再起》戲票，見還未夠鐘入場，便乘扶手電梯上樓上一層搵餐廳醫肚，一直保持高度警覺的Lavina，在電梯上卻鬆下戒備，突然向男方大施冧功，兩度觸碰「嫩版郭品超」手臂，而男方亦難抵情挑，不自制地上下撫摸Lavina的纖腰，「嫩版郭品超」為免「Ｅ」人仆倒在電梯上，更輕搭Lavina的肩背把她扶穩，認真夠細心。
女人天生購物狂，醫肚前Lavina被不同的商舖吸引住，表現雀躍的Lavina更主動翹實男方，二人先到眼鏡舖內揀眼鏡，之後再到化妝店買指甲油，雖然Lavina左試右試要「嫩版郭品超」等足15分鐘，但男方仍然十分有耐性，最終還送了兩支價值$18的指甲油給Lavina，認真易氹！
踢爆親熱 驚青
Shopping完畢，二人便到一間情調十足的「平民餐廳」開飯，期間「嫩版郭品超」不停指手畫腳講笑話，逗得伊人笑不攏嘴，記者還隱約聽到男方說：「我聽日早更，要返差館。」相信他是一名警察。
記者事後致電Lavina，她初時說「嫩版郭品超」是朋友的男朋友，但被指態度親暱似戀人，她即驚青解釋：「吓，唔係啩，玩吓啫。（怕唔怕人話你撬朋友牆腳？）唔會啦。」之後便匆匆掛線。
文：專案組 攝：攝影組