Angelababy（楊穎）近日被傳嘴唇整容，她昨出席《CLARINS纖顏分享會》時，被問到緋聞男友陳偉霆指她的疑似唇疤只是生痱滋一事，表示多謝對方力撐：「我冇見佢，佢都冇問過我，不過有好多朋友睇到相都話似生痱滋，我成日都生痱滋，總之多謝佢撐我。」
Baby又表示已送了自己有份主演的《矮仔多情》戲票給朋友，亦預留了給陳偉霆，而近日與對方各自忙碌，因此沒時間見面，她更笑言朋友笑她在片中扮天使很成熟：「角色同我平時低B形象好唔同。」Baby稱八月將在日本出席活動擔任DJ，因此已積極搵老師學打碟，亦有問陳偉霆意見，不過對方太忙所以未有時間回覆。
