電影《哈利波特》系列已有兩年沒有新作品面世，哈利迷均熱熾期待新作會有甚麼新元素吸引他們入場，「哈利仔」丹尼爾烈格夫向本報透露箇中秘密，他說：「呢一集會加入好多搞笑元素，保證大家會心微笑，好似我演嘅哈利暗戀嘅對象，由張秋轉為Bonnie Wright飾演嘅同班同學金妮。而妙麗對同班數載嘅榮恩產生好感，可惜調皮搞笑嘅榮恩毫無反應，搞到妙麗發晒癲咁滯。」

不忿角色受批評

對於有傳媒指哈利波特的性格，本身並不是一面倒的正面人物，烈格夫作出反駁說：「哈利波特只係小說入面一個角色，佢代表咗童話故事中嘅一個人物而已，我唔明白點解有一撮人對呢樣嘢作出指控。」

《哈利波特》系列快將走到終結，哈利仔表示感到傷心和依依不捨。他說：「拍完《哈利波特》系列有乜打算，依家仲未知，但我每日都喺度有嘢學緊，希望未來仍有機會演其他角色，發展我嘅演藝事業，亦希望觀眾認識我唔單止係《哈利波特》，而係視我為一個好演員。」

文：外娛組