出名詞鋒尖銳的衫評人、兼形象設計師張學潤，最近與朋友合資開設Space Beauty提供自我形象增值課程，並邀請好友莊思敏（Jacquelin）擔任客席講師。Nelson坦言志不在賺錢，只求讓每位學員能提升自我價值，他說：「依家好多人，甚至G模都只係重包裝，但一開聲就嚇親人，連基本談吐同身體語言都忽略咗，我開呢個course就係希望幫到人提升自己，學化妝、髮型之餘，仲教埋佢哋基本餐桌禮儀同搵番自己最靚一面，行出嚟都自信啲。」

分享經驗

Nelson專誠邀請Jacquelin擔任catwalk導師，他解釋：「Jacquelin除咗係Model，仲係拿督千金，平衡到各方面，搵佢就最啱。」而Jacquelin亦大讚概念夠新鮮和全面，問到酬勞如何？她笑說：「OK滿意啦！我會將過去學過嘅catwalk技巧同經驗同大家分享。」

志在幫人

雖然面對金融海嘯，但Nelson無懼收生不足，還一臉自信說：「我哋真係希望幫到人，以前試過有朋友同我講，話幫個仔用咗幾萬蚊去報名上呢類course，佢哋話係我教喎，但其實我都度唔到期去做，好似有欺騙成分，既然係咁不如自己搞！」

文：專案組　攝：吳文聰