本身並非素食者的陳爽，曾借助素食來減肥，她說：「我之前禁自己一個星期唔准食米，同埋要戒澱粉質，只可以食菜充飢。（成績點樣？）一個kilo都減唔到囉！我都唔知點解，係咪我唔食飯反而食多咗好多菜呢？不過減唔到肥我都唔失望，因為食素之後，個人真係感覺輕咗，腸胃又順暢咗，咁都唔錯啦！」

陳爽表示最近亦有留意港男及港姐選舉的新聞，她說：「我試過喺化妝間撞過佢哋化妝，班港姐都幾乖，印象比較深係『翻版徐淑敏』，我覺得佢好cute。而班港男就令我好深印象，上屆我都有份喺現場睇，佢哋嘅表演真係令人好開心，今年我都想有份喺現場畀分。」