舒淇日前上台灣節目《沈春華Life Show》暢談獨身心聲，她說：「我到咗適婚年齡好耐，但有時覺得其實單身都唔錯，不過睇戲、睇劇睇到啲浪漫情節時，又想有個人喺身邊就好。（想唔想生小孩？）暫時唔想，呢兩年想專注工作，但我怕將來改變主意，所以我想將卵子存起，35歲之前係最健康，如果搵唔到另一半就一於咁做。」

16歲離家出走

舒淇又謂曾經錯過不少姻緣，她說：「我16歲離家出走，18歲時媽媽攞張飛機師相要我相睇，我當時仲細冇諗過要結婚。後來去香港拍戲，忙到每日瞓得兩、三個鐘，嗰時開始想結婚，當時計劃再辛苦五年，如果事業唔成功就嫁人，點知後來遇到王晶，仲做咗影后。」

舒淇後來講到與母親關係，不禁落淚，她說：「我冇因為拍三級片自卑，呢樣嘢需要勇氣，唔需要迴避，但有一年返台灣，見到媽媽眼紅紅，我至知佢原來承受好大壓力。」

文：影視組