洪卓立、詩雅和陳家樂主演的英皇電影《很想和你在一起》，被安排在暑假檔期上映。三位演員在電影中首次碰頭，第一天開工拍戲便拍攝一場天台談情戲份，可是當日天氣相當酷熱，洪卓立和詩雅中暑當場，工作人員立即為他們搶救。

談到當日的情況，詩雅說：「拍攝之前見到導演拎住一包包鹽水係咁飲，佢話自己易中暑，所以出外工作有太陽曬都會咁做。我當時仲諗乜導演咁潺㗎，點知喺天台拍拍吓我又嘔、又暈，工作人員即刻扶我落樓休息，當時洪卓立陪住我，休息一陣後佢問我有冇事，突然佢就暈咗喺我面前，叫極都無反應，人哋唔知仲以為我哋夾埋做戲。」

互笠高帽

洪卓立中暑後竟還笑得出，他說：「我終於知道原來中暑係咁嘅，嗰剎那個頭好暈好想嘔，最抵死係好急好想去廁所，不過最辛苦係啲工作人員，要佢哋來回扶我同詩雅由天台跑到樓下陰涼嘅地方休息，仲係咁畀水我哋飲，否則真係要送去醫院。」

詩雅在戲中與兩名帥男合作，她直言兩個樣貌都得，洪卓立笑起來似小池徹平，很可愛。洪卓立則指對方似長澤正美，日本味重氣質又相似。

文：影視組