鍾欣桐最近獲不少廣告商邀請拍廣告，繼早前成為潮流服裝店代言人後，日前又被Dr Reborn專業整容店睇中，成為旗下「BBD重點醫學瘦腿」代言人，阿嬌首次在兩邊小腿合共注射24支Botox，在於短短30日內成功由15吋減至13吋。

阿嬌在短短一個月便成功踢走「甲組腳」。

阿嬌拍攝廣告和工作人員有講有笑。

大讚醫生手勢好

阿嬌坦言求學時因愛玩田徑，搞到小腿肌肉結實，縱使出盡法寶做運動及控制食量減肥，都踢唔走「甲組腳」，她說：「點減對小腿都好粗，所以好多時着短裙都會着Boot遮住，希望唔好畀人標籤係『田徑腳』同『水樽腳』。」阿嬌大讚醫生手勢好：「佢用咗十五分鐘，喺我兩邊小腿合共打咗24支Botox。」

自信返晒嚟的阿嬌拍攝廣告當日狀態大勇，在鏡頭前擺出多個甫士，阿嬌說：「好開心小腿有番線條，好多年都冇見過自己對腿係咁靚，依家買衫唔使就住，鍾意着乜就着乜，仲可以揀短褲同短裙添，唔再需要左遮右遮。」

文：音樂組