最近不少時裝店進行瘋狂大減價，而經常忙到甩轆的蔡卓妍（阿Sa），日前亦抽空到中環安蘭街D-mop掃貨，不夠十分鐘便花了數千元買下心頭好。同日許志安亦相約「軍師」蘇永康到中環名店買衫，安仔豪花五萬多元掃貨。
近日多位藝人趁各時裝名店大減價，紛紛出動前往血拼，日前下午約5時半，戴帽的阿Sa與助手現身中環安蘭街，並進入時裝店D-mop，期間見她坐在梳化上試鞋，並在鏡前左照右照，逗留不夠十分鐘已有斬獲。阿Sa離開不久，周嘉玲亦獨自到該處掃貨。
安仔買戒指
最近忙於宣傳新國語碟的安仔，同日先到比利時時裝王后Ann Demeulemeester香港專門店逛，不一會已選購了一件值1萬6千元的黑色閃閃恤衫，另外又買了一對半價後約3千元的皮鞋。其後再往Maison Martin Margiela掃貨，期間見他對店內一個值7千多元的限量版頭盔愛不釋手，並不時與助手研究。
之後安仔到櫃枱試戒指，最後他買了兩隻七百五十元的戒指及兩件男裝T恤。埋單後，安仔轉戰另一名店JOYCE。未幾又見蘇永康駕車到場，挽着黑色Hermes手袋的康仔，甫下車便進入HOODS，逛了五分鐘便有收穫，之後康仔前往會合安仔。意猶未盡的安仔，再與康仔折返HOODS，向來貪靚的康仔，當日擔任安仔的「軍師」，為安仔揀靚衫。兩人足足行了個多小時才分頭離開。其後又見日本潮牌COMME des GARCONS粉絲袁詠儀，在該店挽着大袋戰利品離開。
VIP享折上折
事後記者致電阿Sa，問她是否趁減價掃貨？她說：「見有減價咪去睇吓，加上我係VIP，除咗有半價，仲有折上折。本來睇雜誌見到對涼鞋好鍾意，但係試唔啱，結果買咗另一對牛仔boot，同埋一件黑色Blues Heroes皮褸，全部都低於半價，買咗幾千蚊。」
安仔則表示：「呢排成日飛嚟飛去，屋企啲衫都畀我着晒，趁呢幾日返嚟買衫。（買情侶戒指？）自己戴，一隻戴食指、一隻戴手指尾。本來想買個頭盔畀助手，但佢話太貴叫我唔好買，寧願我加人工畀佢好過。（埋單幾錢？）約5、6萬蚊。」
文、攝：追蹤組