何韻詩的最新歌曲《舊約》於大前日派台，記者昨日在多個本地及內地網站發現有《舊約》足版試聽，甚至供樂迷合法下載，其中一個網站收聽率高達數萬次。阿詩昨日在電話中承認將新歌上載到部分網站：「依家唔可以單靠傳媒去報道，網上係全球性。」阿詩表示只要歌曲一派台，就會出現非法上下載：「非法上下載已經阻止唔到，既然係咁，倒不如我自己擺上網畀歌迷合法下載。（唔怕影響新碟銷量？）唔怕，要買碟始終都會買。」問到將新歌足版放上網是否經唱片公司同意？她說：「有同公司傾過，佢哋都同意我咁做，放半首同全首都冇分別，因為實有人非法下載到全首。（以後派台歌都放上網？）唔排除，因為最快知道歌迷嘅反應。」