E cup baby劉欣宜近期是非多多，有報道指她向Playstation高層撒嬌施壓，封殺E cup廚房妹Lavina（鍾蕙芝）與美少女廚神Rainbow（胡心諾），要二人封口兼封胸，欣宜堅稱沒有其事，相反後二人齊表示經理人曾出口禁性感。欣宜與二人口供不一，似乎面和心不和的程度再升級！
劉欣宜、Lavina、Rainbow，與「翻版Janice Man」劉佳欣及「翻版阿Sa」周凱盈，齊穿上Cosplay服飾化身高達美少女出席荷里活廣場《ＳＤ高達嘉年華》活動，雖然五人收起性感，但仍魅力非凡，吸引大量支持者到場支持，逼爆場館，其後即場有慈善拍賣，五位美少女出口兼出力下，反應熱烈，共籌得港幣五萬元。
有人寫好過冇人寫
劉欣宜被問到向高層撒嬌施壓的報道，她否認其事，表示在後台與二人有講有笑：「冇啲咁嘅事！（佢哋唔可以性感？）我唔清楚，我同佢哋唔同公司。（若佢哋唔封口兼封胸，Playstation唔同佢哋續約合作？）我唔清楚佢哋合約方面嘅嘢！其實經常都有失實報道，我已經習慣呢個模式，心理完全冇障礙，總之有新聞好過冇新聞，有人寫好過冇人寫！」
比賽勝出演馬小靈
另邊廂的Lavina與Rainbow則口徑一致，表示經理人曾出口要二人不要經常作性感打扮：「我哋唔鍾意是非，亦唔鍾意借呢啲上位。經理人有提議過唔想我哋成日咁性感，佢哋有雙方協議，詳情唔知道。」問到二人會否相信欣宜向高層撒嬌？Lavina則笑說：「你哋問番佢啦！我知佢（欣宜）幫Playstation好耐，係我哋前輩。」
而Rainbow對有指黃玉郎點名她參演《龍虎門２》，飾演馬小靈一角，Rainbow坦言要在動畫節的動畫天使比賽中勝出才有機會參演：「我覺得角色好好，有機會演出當然ＯＫ啦！」
文：名人組