伍詠薇（伍姑娘）與練海棠於七月一日結婚十周年紀念，前晚包下餐廳宴請約四十位摯友親朋一同慶祝，圈中朋友包括袁詠儀、張智霖、陳敏之、胡定欣等。伍姑娘與老公恩愛地接受訪問，伍姑娘說：「我好幸福搵到個同我一樣咁浪漫嘅老公，佢好照顧我，佢話我父母唔喺度，會照顧我一世，我都會對佢好好。」練海棠亦感謝老婆沒有改變他，揚言自己剛通過十年試用期，承諾還有很多個十年，會跟朋友分享，因為結婚不是進入「墳墓」。
已結婚八年的靚靚袁詠儀見伍姑娘如此開心，也有意效法與張智霖結婚十周年時搞慶祝，她大讚練海棠：「佢好正，無時無刻都咁浪漫，我老公就唔夠浪漫。」眾人玩到凌晨十二時半，伍姑娘、練海棠與部分朋友離開餐廳，靚靚更幫手將禮物放上車，伍姑娘與老公及友人待司機到來，一同離開。
