吳君如、錢嘉樂昨在apm商場錄影最後一集《星星同學會》，早前君如曾透露會請訓練班的吳鎮宇、林家棟等人，豈料變成《歡樂今宵》的盧大偉、梅小惠及江欣燕班底，記者笑君如「貨不對辦」，她解釋：「我唔知呀，無綫請嘅，可能佢哋驚喺廣大市民前講錯嘢冇得Cut，但EYT人做慣直播節目就唔驚。」
君如謂仍有很多嘉賓未上節目：「郭富城啦，畀小美箝制住，樂基兒又唔畀黎明嚟，張學友掛住湊女放學，佢以前幫羅美薇攞手袋，依家幫啲女攞書包，一世女奴命。希望明年新一輯請到佢哋啦。」此外，江欣燕（左圖）回憶《歡樂今宵》的日子，最開心經常跟君如買衫，抄她的衣着品味，另一次現場唱歌時忘記歌詞，扮咪高峰壞了過關，結果累收音師被鬧，她即發現原來自己演技不俗。