昨日Gaile、徐子珊、曹敏莉一同出席「Venus女神有約」活動，Gaile說自己的小腿腳毛頗多，尤其夏天着短褲很不方便，出珠寶活動，如腋下有毛舉高手會好尷尬。問到男士身體有毛可添性感味？她笑說：「冇所謂，每個人都有唔同嘛！」

對於有指舒淇與Leon分手是因其父反對？Gaile說：「人哋嘅嘢我唔想講，我都係見過佢爸爸一次，（咁佢爸爸錫唔錫你？）我唔想作比較。」昨日Gaile與Leon前緋聞女友徐子珊同場，Gaile謂不介意，她說：「每個人都有過去，唔想成日話唔鍾意邊個，咁樣會有好多是非仇恨，我鍾意開心啲。」

子珊唔睇Leon騷

而愛跳舞的徐子珊談及米高積遜離世？她說：「我真係唔敢相信，一生人應該睇佢一次演唱會，但我就冇機會，惟有搜購番佢嘅VCD，好多人跳舞都會加入佢嘅元素，不過就冇人可以代替佢。」談到與Gaile同場？子珊笑說：「都唔係第一次啦，（Leon七月開演唱會，會唔會捧場？）嗰時我仲喺內地拍緊戲，應該去唔到。（有傳佢會喺演唱會上宣布結婚？）咁咪好囉，有情人終成眷屬！」而曹敏莉提到緋聞男友黃長興胞弟黃長發與Karen分手一事，她表示若二人感情出現問題，分手都是好事。對於有報道指長發貪錢，她說：「我識咗佢兩年，覺得佢係好乖仔、好簡單。」

冇講過拍拖受阻

另外，有指舒淇繼接受台灣媒體訪問後，日前又向雜誌爆料，提及當年與黎明拍拖時，曾遭黎父大力阻止，六年來她忍氣吞聲，為的只是留住這份情。記者昨與其經理人管小姐取得聯絡，她代為澄清謂：「老作，完全冇接受過雜誌訪問，另外當日佢接受台灣記者訪問，意思都只係將感情生活刪掉，目前事業為重，點知就將人名套咗落去。」

採訪：名人組