熊黛林（Lynn）前晚穿着Dior低胸花花裙為家具店Rimadesio擔任開幕嘉賓，談到對家具要求，她認為簡單得來要有細節，問到經常拜訪緋聞男友郭富城（城城）住所，覺得對方家居布置是否有品味時，她尷尬地點頭認同。
另外，早前Lynn與城城齊出席上海電影節，Lynn表示二人有打招呼，但之後未有飯敍。不過，她大讚城城在電影《殺人犯》的造型夠驚嚇，她說：「如果唔講，我認唔出係佢，完全唔似佢，好得人驚，呢部戲一定好睇。（會唔會心痛？）唔會，係一個突破，有時間會同成班同事去捧場。」至於她自己，如果得到導演信任，她亦不介意扮醜女。
