周麗淇（Niki）前晚以性感打扮出席音樂會，跟男dancers大跳辣身舞，對於家姐周汶錡大方原諒其法籍未婚夫，問到兩姊妹處理「偷食男」的方法截然不同時，Niki頓時聞之色變，不停傻笑嗌救命掩尷尬。
Niki前晚跟楊千嬅、張敬軒、農夫、王菀之等為假灣仔會展舉行的《香港誇啦啦！壓軸壓場打氣音樂會》表演，其中以Niki的性感歌服最為搶鏡，她跟男dancers熱跳貼身舞時，不時露出小蠻腰及「微波罅」，令觀眾大吃冰淇淋。Niki表示：「的確比之前性感，我冇加工呀，崇尚自然嘛！（打底？）我好安全呀，打風都打唔甩。」
聞偷食男嗌救命
對於家姐大方原諒未婚夫，Niki說：「佢一向都冇嘢，我哋有通電話，不過冇傾呢啲事，始終感情係兩個人嘅事，佢食得行得瞓得，大家唔使擔心。」兩姊妹對付「偷食男」的處理方法可謂天淵之別，Niki聽畢表現非常尷尬，不停傻笑嗌救命，她說：「總之男人個個循規蹈矩，對另一半好啲，唔好令對方唔開心。」
千嬅靠打針開聲
另外，失聲多日的千嬅最終要在開騷前打針開聲，問到好友丁子高有否致電慰問，千嬅說：「唔會啦，冇搵我，我自己照顧自己。（打針傷身？）之前打咗七針都冇斷骨，今次應該OK。（影響生仔？）唔怕，食蕉補充番咪得囉！」另外，對於有傳文詠珊加盟公司，千嬅表示歡迎，她說：「黎生不嬲簽人都有品味，你睇我就知啦！」 文：音樂組