郭富城昨日被委任為台北聽障奧運國際代言人，為配合活動，城城將於八月一及二日在當地的小巨蛋舉行兩場演唱會，問到個唱會否加插悼念偶像米高積遜（MJ）的環節？城城說：「未有定案，不過有呢個方向，會同監製傾吓等佢設計，不過係咩形式就未知。」
城城以「唯一偶像」來形容米高積遜，並大讚對方說：「佢對我啟發好大，令我有自己風格，佢先係真正舞台王者，冇人能及，前無古人，後無來者。」對於被封為本地MJ，城城說：「唔係要天分，後天努力最緊要，每個歌手都有成功一面同佢自己嘅特質。」城城表示曾飛往台灣高雄欣賞MJ演出，他說：「當時佢用咗一個好大嘅銀幕，着住金色衫出場，全場都感受到佢嘅力量。」
