「唔通同馬會結婚？」

由於馬會規定只有會員的婚姻伴侶才可自由出入，黎明為此解釋：「冇聽過，畀唔到答案大家，自己住馬會附近，經常同Gaile去食飯。」問到Gaile是否馬會會員時，黎明說：「佢唔係我係咪得囉！我唔喺度，入我數都得！」

黎明與其他嘉賓言談甚歡，未受傳聞影響心情。

有指樂基兒自由出入馬會，令人猜測她與黎明已秘密結婚。 （資料圖片）

記者又問黎明，若不是會員是否不能自由出入？他即轉移視線拉開話題：「有次周刊跟蹤我入埋去，呢個係咪馬會漏洞？邊個勢力可以遙控佢哋入去？佢哋同邊個人結咗婚？唔通同馬會結婚？」

投資股票比喻拍戲

此外，本報昨日獨家報道黎明為電影《火龍》拍跳樓戲，過程十分驚險。他說：「去到現場時，錢嘉樂話鏡頭好簡單冇問題，導演仲畀曲奇我食。（係咪氹你跳？）冇所謂，做演員最好玩嘅地方，係好多人設計畀你發揮，你只需要配合。」由於拍跳樓戲非常危險，問黎明有否提高片酬時，他再爆金句，竟以投資股票來比喻拍戲：「自己唔講呢樣，同投資股票一樣損手，劇情需要就做，冇理由拍《十月圍城》肯打，港產片就唔肯打。」 文：音樂組