昨日麥浚龍（Juno）、陳偉霆（William）、農夫、張繼聰、狄易達及樂隊Mr.等為七月底的四場「拉闊音樂擂台」舉行記招。Juno表示是次音樂會將是短期內最後一個，之後便全力投入電影工作：「依家傾咗兩部戲，十月會拍黃精甫的電影，可能會同何超儀再合作，不過未必係幕前。」早前有傳超儀與陳子聰情變，Juno說：「我冇睇報道，但佢哋不嬲感情好好。（子聰偷食？）我印象中佢唔似咁嘅人！」
另外，農夫嘅C君坦言歡迎女友李澄及女友媽咪林珊珊到場，但問他何時見家長？他即說：「呢啲唔好搞住啦！」而William透露現時每日食12隻蛋白，希望增強胸肌及腹肌。
