陳柏宇（Jason）今年二月情人節翌日飛日本東京，為新碟多首歌曲拍MV，近日有網友指他其中一首新歌MV《I Will Be Loving You》，無論男女主角的衣着和故事橋段，都與韓國人氣組合「神話」的成員Hye Sung《為何來電》MV相似，惹起網友議論，有人怒插Jason抄襲，亦有網友力撐他是無辜。
記者致電查詢，Jason所屬唱片公司Sonybmg稱：「雖然Jason上月推出專輯，但MV早在二月十五日喺日本拍攝，導演喺香港拍廣告，佢無睇過『神話』嘅MV，我哋對佢絕對信任。其實雪景都係白濛濛，造型都係咁上下，有啲相似唔出奇。」其實Hye Sung《為何來電》MV於二月十七日播出，與Jason拍攝日期相差兩天，抄襲之說不成立。