《香港先生選舉》十二位參賽者，昨日正式首晤傳媒，其中大熱人馬(8)李偉健與(10)吳雲甫，齊聲表示底子乾淨，唔怕被爆料起底，不過問到二人感情生活時，他們均尷尬表示已有女友，吳雲甫說：「驚唔驚畀人爆料？都冇法，又唔係唔見得光。（會唔會畀人爆啲好似食軟飯嘅新聞？）冇，我好正常。（有冇拍拖？）對象都有，都好支持我參賽。（佢介唔介意你鏡頭前着泳褲？）冇問，不過自己都怕醜。」而(2)鄭鴻明表示任職機艙服務員，與應屆「是非港姐」曾曦寧屬同事，雖然二人曾共事，不過鄭鴻明表示與對方不熟，亦未聽過她的臭史。