Theresa跟Stephy關係再次告急，兩人於七月書展將會正面硬撼，盛傳Stephy的經理人同事廣發SMS給公司旗下多位歌手的歌迷，聯手到書展為Stephy造勢，誓要力挫宿敵。腹背受敵的Theresa昨日接受本報專訪，對傳聞她支吾地說：「當然希望唔係真，就算係真，一個人做嘅嘢唔代表老闆或成間公司。」接住細聲重複說：「希望唔係真。」可見Theresa對傳聞仍是十分擔心。

自從Paco失勢後，傅穎以「重新開始」來形容當下處境。

傅穎和鄧麗欣將於下月書展展開「正面衝突」 。（資料圖片）

衰過犯太歲

Theresa承認跟Stephy的不和新聞，傷害到兩人形象，問到兩人的關係？她坦白說：「一路以來都係咁樣，大家唔係成日見，（係咪變咗？）唔知道，我唔可以代表佢答。」Theresa更自嘲「是非命」：「啲是非真係冇停過，有人話我衰過犯太歲，今年會遇到好多唔好嘢，真係好靈中晒，好彩我承受得住，如果承受唔到就冇。」

盛傳被公司上下打壓，她說：「公司有人同我講過，大家有唔同講詞、唔同說法，真定假都好，我無法控制。」可有解決方法？她無奈地說：「好難搵到個方法，我有能力做啲乜？就係做好自己。」有指她屬於黃栢高黨派，她指栢高對每個藝人一樣，她亦有被金牌大風CEO陳輝虹接見，她說：「大家有傾過未來方向，攞到啲共識，我嘅感覺就係從頭開始。」

杜麗莎力撐

此外，杜麗莎聯同鍾鎮濤、呂方亮相吳君如和錢嘉樂主持的《星星同學會》，被問到學生之一的Theresa接連被指走音，杜麗莎說：「佢係驚啫，日日畀人鬧，有壓力。」杜麗莎更踢爆有圈中歌手學唱歌只顧照鏡，而張栢芝非常有感情，可惜把聲唔符合社會要求，才被人批評得多。另外，呂方在節目中以《往事只能回味》形容現時心情，揭露他和鄭裕玲難有復合可能。

文：音樂組