身為屈臣氏代言人的謝安琪（Kay），昨日出席品牌記者會，除舉行廣告的首播儀式外，Kay還親手為兩位男歌迷敷面膜，令他們冧爆！
事後，問Kay曾否替老公張繼聰敷面膜？她笑說：「佢自己識，仲係張師傅添！好識養生之道，平時喺屋企有練詠春。（有冇跟佢學？）我唔係嗰個料子，幾怕痛。」
此外，昨日張繼聰和文恩澄為鞋店Clarks新專門店剪綵，他表示讀大學時擁有第一對Clarks：「當時見木村拓哉都有着，自己就死慳死抵買咗對。」問逆市接job有冇減價？他笑說：「自己係『麻甩模』，依家(o靚)模當道，自己好難做。」
