千嬅連續兩晚擔任林峯演唱會表演嘉賓，而前晚最後一場，其緋聞男友丁子高抱着一位小女孩秘密捧場。十分鐘後，千嬅則坐保母車到場。

林峯個唱前晚圓滿結束，樂易玲（左二）及吳雨（左三）現身慶功宴並大開香檳。	林峯當眾追千嬅攞帖，惹來全場哄動。	丁子高秘密現身捧千嬅場。

嫁得出會公布

在演唱會上，林峯刻意以「銀幕情侶」身份介紹千嬅出場，台下觀眾均以為林峯指的是其緋聞女友鍾嘉欣。而千嬅一出場即整蠱他說：「情侶呢單嘢好多人比我更適合喎！」林峯不甘示弱作出還擊，追問她何時派喜帖：「你幾時畀咩我呀？」千嬅突然被擺上枱，顯得一臉尷尬：「咩呀？演唱會飛呀？」惹來全場大笑。對於緋聞男友抱小女孩捧場，千嬅表示不作回應，而這位小女孩究竟是誰？丁子高亦未有回覆。

此外，一直盛傳千嬅今個月中和緋聞男友丁子高在上海結婚，但昨晚她現身成都出席頒獎禮時，被問到結婚一事時，她即說：「啲傳聞係『流』㗎，係啲雜誌一廂情願。（押後婚期？）使乜押後，結婚唔使咁鬼祟，嫁得出就會公布！」

鍾嘉欣送花籃

而林峯首個紅館個唱前晚圓滿結束，唱片公司老闆楊受成、吳雨、無綫高層樂易玲、劉家昌及太太、胡杏兒、蒙嘉慧及利孝和夫人等均有前來捧場。個唱尾聲時，林峯與十多個女舞蹈員上演火辣辣的濕身重頭戲，女舞蹈員不時請他「食波餅」，場面誘惑。至於未見鍾嘉欣現身是否因對方呷醋？林峯詐傻說：「吓？關咩事？（對方傳SMS？）冇呀。」後來才補鑊指收到太多短訊未睇晒，又指對方有送花籃。

而蒙嘉慧（YoYo）被追問近日與男友鄭伊健分手及結婚的傳聞，YoYo直言報道只是得啖笑：「我冇睇過啲報道。（結婚？）冇講過呢個問題。」她以「好好」形容現時與伊健的感情。

文：音樂組

攝：鄭家俊